Fasnacht vo hüür
Sässeli-Song
Z’Oberdorf no früeh am Morge,
dr’erschti Fahrgascht isch scho ufder Luur.
Öppis a däm macht mir Sorge,
i gloube dä verdrückt mi mit sire Poschtur.
Jetzt wirdi usquätscht wie’ne Liitschi,
Platz gnoh hett dr’Dino Arici.
Roue – Roue – näht mi vo der Roue.
Nidsi goht’s jetzt leicht und locker,
oppsi chunnt der erschti Gägeverchehr.
dä Dag i gseh’s das gitt e Schocker,
ufwärts~fahrt der Roufi Büttikeer.
S’gitt Überstunde wöu dä Socke,
gäng vöuz’lang duet bliibe hocke.
Roue – Roue – näht mi vo der Roue.
Z’Oberdorf s’isch nid zum säge,
stouets~grad i länge mir a Gring.
Der~Fluri Kurt samt Chinderwäge,
drei Rucksäck - zwe Täsche - und 5 Ching.
De~chunnt ihm z’Sinn wo au si gsässe,
d’Frou hett är deheim vergässe.
Roue – Roue – näht mi vo der Roue.
Es Stündli spöter wirds de kritisch,
ig mache mir scho - bitzli Sörgeli.
Dä neui Fahrgascht isch politisch,
nid ganz eifach und heisst Mörgeli.
Aus Sässeli es tönt chli barsch,
muesch us’cho - mit jedem Arsch.
Roue – roue – näht mi vo der Roue
Retour goht’s i cha ufschnufe,
s’goht gäge Zwöufi s’herrscht rege Verkehr,
Eine fahrt s’dritt mou ufe,
dir heit’s errote der Büttikeer.
S’isch Stossverchehr und gopfriedstutz,
jetzt chunnt no der Tiger Woods.
Froue – Froue – näht mi vo der Froue.
Bir nöchschte Fuer goht’s grad wyter,
wo’ni die nöchschte Fahrgäscht vor mir gseh.
Hüt goht’s mir nur einisch schyter,
s’si der Borer und der Möuer vor SVP.
Mit dene füeuhsch di s’isch ke Lug,
quasi wie ne’Fläschzug.
Roue – Roue – näht mi vo der Roue.
Der Bichsu chunnt es isch jo Sundi,
der Büttiker fahrt zum 10-te mou verbi.
Seit Peter chum mach ou e Rundi,
si höckele de gmüetlech näh es Schlückli Wy.
Der Bichsu wieder mou isch hei,
der Büttiker dä fahrt no chley.
Roue – Roue – näht mi vo der Roue.
Jetzt muessi niemer meh chauffiere,
dir aui wüsst jo was isch usecho.
Um mi äntlech z’pensioniere,
hei sie mi de - ab em Seili gnoh.
Do hett’s gäh es riese Puff,
der Büttiker hockt gäng no druff.
Roue – roue – i bi vo der Roue
Roue – roue – i bi vo der Roue.