Fasnacht vo früener
Üsi Wängi
(Melodie Kiosk vo de Rumeplstilz)
Für's Dampschiff Wängi sammli är seit e Typ wo vor üs steiht,
är sig zueversichtlech - wenn das so wiitergeit.
Si Finanzplan sigi - schlichtwäg geniau,
für dä Kahn do suech är jetze Gratis-Personau.
Liebi Fründ vo Juragwässer - und der Dampfschiffahrt.
louft die Wängi einisch us - bliibt eim nüd erspahrt.
Dir wärdet jetzte stuune - mir mache jedi wett,
was für Lüt der Borer Role aus ar Angle hett.
Der Rossel Rouf dä bietet Hand - und git Garantie,
mit ihm aus 1. Maschinischt wird immer gölet si.
Ou d'Chöube bruche ständig warm - süsch stoht me im Schöuf,
d‘Crew vor never com back airline wär e grossi Höuf.
Der Amme vo Fäudbrunne – bestoht der eignigstescht,
dä Studer isch bim Chohleschuufle wyt und breit der Bescht.
Wenn's engagement vom Sahli - aus Schiffs-Choch sötti glinge,
wärde d'Fisch ir Aare – gäng gnue z'Frässe finge.
D'Gisi chönnt me bruche – aus Schruube vo däm Schiff,
aus bluti Gallionsfigur wär's ou ke schlächte Griff.
Jä jo seit der Zanetti - do bi'ni derbii,
nimmt poschtwändend d'Position vom rote Heckliecht i.
Liebi Fründ vo Juragwässer - und der Dampfschiffahrt.
louft die Wängi einisch us - bliibt eim nüd erspahrt.
Dir wärdet jetzte stuune - mir mache jedi wett,
was für Lüt der Borer Role aus ar Angle hett.
S'hätt illuschtri Gschtaute - hinge und ou vorn,
s'Käser Bethli figurieri schiins aus Näbuhorn.
D’Sandra Bohner chönnti – doch i Uusguck goh,
chönntsch bi Sturm und Räge – eifach d’obe lo.
D'Rettigsboie wäg em Uuftriib wird vom Wasser treit,
drumm hett der Arici - ou si Wichtigkeit.
Muesch würklech eine rette - söttsch es Seili näh,
für's z'chnüpfe heig der Schänker - si Bart drahäregäh.
Aus ehregascht zur Jungfrefahrt - chäm der Bundesrot,
worum ächt jetzt das Schiffli - rächt's chli töifer goht?
Trotz Maschineschaade - wird locker navigiert,
aus Galleeresklave hett me Grächner rekrutiert.
Liebi Fründ vo Juragwässer - und der Dampfschiffahrt.
louft die Wängi einisch us - bliibt eim nüd erspahrt.
Doch s'chönnti no chli duure - Dir müesst gedoudig si,
nähmer haut jetzt aui zäme zersch es Gläsli Wy,
nähmer haut jetzt aui zäme zersch es Gläsli Wy.