Fasnacht vo früener
Üsi Bar
IStohsch durschtig ir Schlange, bisch fescht am plange, eine stoht dir uf em Scheiche,
d'Bedienig isch schiiter s'goht eifach nid wiiter, eigentlech söttsch jo goh seiche.
S'bricht Schweiss us de Poore bisch äntlech devore, goht's nomou fasch e so lang,
so louft's im solheure s'isch es riese malheure, mir~näh das jetzt säuber a d'Hang.
Refrain:
I üs're Bar nei do gitt's e kes Grämpu,
und exquisit isch dä neu Gastrotämpu.
S'Ässe der Drink, serviere mir flink, chömet verbii,
loset emou, wär do scho ou, bi üs isch gsi.
D'Regierig isch cho, zum Aépero~der Ritschard duet zersch e chli schnörre,
mit furztrochem Goume, bättet der Stroume, Herrgot dä söu äntlech hörre.
Der Scheidegger seit, wie schlächt es ihm geiht, trotz hertem Training sit Johre,
heig im Wettsuufe, Gäud gsetzt e huufe, und gäge Rossel verloore.
Duet eini schlote, suuft e chli Rote, luegt verklärt dur si Bröue,
der Mond duss isch vou, der Bichsu isch's ou, wäg dene cheibe Promöue.
D'Frou Sahli seit Ma, Spinat muesch jetzt ha, schliesslech bisch ständig uf Achse,
das gitt dir Chraft, der nötig Saft, viellech würsch de no chli wachse.
Refrain:
I üs're Bar nei do gitt's e kes Grämpu,
und exquisit isch dä neu Gastrotämpu.
S'Ässe der Drink, serviere mir flink, chömet verbii,
loset nomou, worum mir ou, i däm metier si.
Der Himmu isch klar proppevou d'Haafebar, duesch mou läär abeschlücke,
vöu z'weni Zapfsüühle das isch doch zum Hüühle verzfwiflet suechsch du dir e Lücke.
Hesch's es de gschafft bstöusch~mit letschter Chraft, äntlech am Zwöufi e Stange,
lacht d'Barmaid di a, und seit guete Ma, s'Bier isch üs leider usgange.
Bi üs gitt's keis Dränge, Stosse und Zwänge dasch~förderlech für's Wouhbefinge,
nur d'Bigoudie-Gäscht, die stöhri das fescht, ihne fäut s'Drücke vo hinge.
Die Scheissneonröhre düe ihn gwautig stöhre der Chneubi dä fingt das e Seich,
trotz der extreme, Säubschtbrüünigcréme, würkt~sogar är e chli bleich.
Refrain:
I üs're Bar nei do gitt's e kes Grämpu,
und exquisit isch dä neu Gastrotämpu.
S'Ässe der Drink, serviere mir flink, chömet verbii,
loset jetzt mou, wär do scho ou, bi üs isch gsi.
Trotz schöne Bei, stoht sie chli ellei, niemer goht z'nöch a se häre,
sie isch säuber gschoud, denn schwiige wär Goud, d'Gisi duet lieber chli chäre.
Ir Suppe hett's Hoor, wirft är üs vor, d'Begründig die isch scho gli gfunge,
der Schänker isch bliibe, isch wieder z'friide mir hei'nem der Bart ufebunge.
Während em quatsche duet är se betatsche sie seit üs dass sie das nid wott,
bir Schmiir wird är gspickt, bi üs usegschickt, der Walker hett jetzt Huusverbot.
Der Borer dä schmuset meint si auti pfuuset Champagner fliesst im Seeparé,
doch plötzlech im Mini chunnt glich ihm sim sini und s'Bleistift zieht scho der Ringier.
Refrain:
I üs're Bar nei do gitt's e kes Grämpu,
und exquisit isch dä neu Gastrotämpu.
euch liebe Gäscht danke mir fescht schön isch es gsi,
mir mache zue, näh jetzt in Rueh, es Gläsli Wy.