IS'isch Schmutzig Donnschtig früeh am Morge schtrööme
I d'Schtadt die wysse Gschtaute, mache Lärm
S'isch wie deheim wenn ig foh afo schtööhne
e haub Schtung z'früeh doch d'Frau het's trotzdäm gärn Und nach em Chessle bi dr Suppe
Uf dr Schoos die erschti Puppe
Im Schtefan chotzt scho eine us em Zäut Ig goh schnäu hei, zieh s'Hemmli ab
Mit der Leitere zrügg i d'Schtadt
Dass ig bim Hööfli-Singe füüre gseh! Refrain
Schön, isch ändlech wider Fasnacht
Die längi Zyt vom Warte het es Änd
Vom Schmutzig Donnschtig bis em Äschermittwuch z'Obe
Die ganzi Schtadt isch fescht i Naarehänd S' Bööge fescht im Landhus - s'isch jo gschpunne
Vor em Z'morge goh nig hüt nümm hei
Aus Maske hani scho so guet wie gwunne
Hüt z'Obe ghört mer s'Landhus ganz elei Im Zäut vom Zaugg "Il Tartufo"
Wird Vodka Redbull ineglo
Kes Schwein merkt dass scho Sunntig worde n'isch Dr Umzug dä isch gäng wie gäng
Früürsch a Ranze und a d'Häng
Macht nüüt! seit au dr Fluury und singt mit Refrain Am Zischtig gumpi mit em Vouk dür d'Gasse
"I ma nümm" heisst's i dr ganze Schtadt
Im Bieutor de go Hüenerfäcke fasse
es Bier derzue und i bi wider satt Im Mamfi-Chäuer, Grufti-Bar
Bi Maa und Frau sy d'Fronte klar
Gottseidank isch mini Auti hei! Gisch eire no ne füecht Kuss
Verpassisch drum der letschti Bus
Was söus, säg i und laufe zrugg i d'Bar Refrain Gar schnäu isch so ne Fasnacht doch verby
Gli zieh' mer's Goschtüm ab, hänke's i Schrank
Das wär's haut für n'es Johr mou wider gsi
Au d' Füuzlüüs hei jetz gnue und säge Dank Dr Wirt git no ne Fläsche Wy
Und Dir e Schnägg is Kässeli
De chöit Dir üsi Bänk au schriftlech ha! es git ke Grund zum truurig sy
Au nöchscht Johr sy mer vou derby
Bis denn - die zyt die isch jo schnäu verby Refrain | 
